ZPM Ṭhalai President chuan, “Heng an beihna hrang hrang te hi a dik reng em?, tiin ZPM Thalai ten kan theih tawkin kan chhui chiangin kan venpui thin a. Documents awm thei hrang hrangte kan la khawm a, tun thleng hian kan Minister-te an beihna hrang hrangah thil dik lo leh fuh tawk lo chhui chhuah kan la nei lo,” a ti.

Jeje Lalpekhlua chaun, “Kan Chief Minister in ruihhlo chungchang hi a ngaihpawimawh a, chutiang chiah chuan Kan Home minister leh Excise minister ten theihtawp chhuahin hma an la mek zel,” a ti a.

“Chanchintharah nitin deuh thaw ruihhlo man thawm hriat tur a awm te hian sorkar inthlahdah loh zia a ti lang a, tlawmngai pawl te an tang bawk a, zan rei tak tak thleng khawlaiah police duty hmuh tur an awm a, kan Aizawl khawpui pawh a ralmuang chho sawt khawpin ka hria. ⁠Party sawi lovin a hnam ang a kan tanrual a hun takzet a, chutiang tur pawh chuan Mizo mipuite ka sawm duh nghal bawk che u a ni.” a ti bawk.